أنوااع الشباب في النــت...من جد نكتــــه...

مـــرحبــــــــــــا.......صباح الخيـــر......مساء للخيــر.....اخبااركم...ان شالله مرووقيـــن..ومبسووطيــــن<<اخلصي عـــاد

الموووهيم ياحلوييين وياحلوااات<<لا تصدقوون عاد

وصلني ايميل اليوم عن انواع الشباب بالنت....بصرااحه نكتـــه

المرحلة الاولى:

طبعا العمر يتراوح من 22 الى ما فوق ... وتلاقينه اول ما يدخل هاي ممكن
نتعرف انا فلان ومن المكان الفلاني وتحسين ان فيه حنفيه معلومات انفتحت
واي شي تقولينه له يقولك يعني شنو مو فاهم وبعد كل كلمة يقولج اصلا انا يديد عالنت

والنوعية هذي تنقسم لقسمين :
1- يا اما متحمس وحط بمخه موضوع النت ويبي يتعلم
2- يا اما سمع من ربعه عن النت والبنات وياي يجرب حظه

المرحلة الثانية:
الي يقعد على النت بس مو وايد

النوع هذا كل كلامه انا مشغول وايد وماحب اقعد عالنت وايد والكلام هذا وبعد ما
يتكلم شوية يقولج ممكن نكمل الكلام في التلفون انا اصلا ماحب النت
ومالي خلق اكتب

والنوعيه هذي تنقسم الى قسمين:
1- يا اما انه يفصل ويرجع باجر يطلب مثل الطلب
2- او انه تكون عنده عزة نفس ويعصب ويقولج سويلي بلوك ودليت

المرحلة الثالثه
الي قاعد على النت ليل نهار
هذا شرحه يطول وينقسم لعدة انواع

1- الزعول
هذا قاعد وحاطط ايده على زرار الزعل اي شي تقولينه تكونين قاصدته
او تقولين اي شي عقبها يقولج عطيني رقم تلفونج
ولما تعتذرين يقولج هذا ويهي اذا كلمتج مره ثانيه وراح اعطيج بلوك
نصيحه مني من اولها عطيه بلوك

2- ابو دم خفيف
هذا حالته حاله ماتدرين منو قاص عليه وقايل له انه دمه خفيف
والمفروض لي قط قطات تضحكين وياويلج ان ماضحكتي على ملاقته

3- المودي-المزاجي
هذا شخصيته متنوعه على حسب مزاجه كل يوم تحسين انج تكلمين واحد غير
عنده انفصام بالشخصيه اليوم زين وباجر مو زين
ومره حده كيوت ويونس ومره غثيث وماينبلع يعني الله يعين

4- اللزقه
هذا يبيله شوي توقفينه عند حده كل كلامه وينج؟وين كنتي؟وين رحتي؟شسويتي اليوم؟
ليش تتاخرين بالرد؟انتي تكلمين واحد غيري؟
ولو قلتي له بررب شوي يقولج وين رايحه؟وشحقه؟وحق منو؟وبتتاخرين ولالا؟

5- الناصح
هذا كل كلامه نصايح اي كلمه تقولينها عليها نصيحه وفي عرض لو قلتي كلمتين
راح يعطيج خمس نصايح مجانا والعرض مستمر حتى نفاذ الكميه

6- دونجوان
يقولج انا فيني جمال مو طبيعي وكل البنات منعجبين فيني ويحبوني
ويقولج ان كل بنات الكليه ودهم يتعرفون عليه وكله يقطون عليه كلام بس اهو ثقيل!! اي طل
وكلامه حيل ثقه انج انتي منعجبه فيه وتبين تحبينه واهو اللي متثيقل عليج

7- محروم بنات
هذا تلاقينه لو في قروب او جات او منتدى يكون كل تركيزه على البنات
احلى شي لما يحسب هالاسم لبنت ويسوي افلام وقصص حب اخر شي يطلع رفيجه

8- الجذااااب
الجذاب وياكثر هالنمونه بالنت تلاقين كلشي قايله لج جذب بجذب من اسم وعمر وسكن وجنسيه وغيره من اشياء
نصيحه مني قولي له يغير اسمه الى مسيلمه الكذاب

9- العبيط
هذا كل شوي حاط صورته يا يشرب يا ياكل يا يلعب بالاب توب
وهم كل شوي يبطل لج الكام تحسين ان ماله اي هدف

10- بابا اوبح
هذا تلاقينه من سنه95واهو عالنت ويمكن تزوج وياب عيال
وللحين يتعرف على بنات ويقنعهم انه صغير وللحين ماتزوج
ولو جربتني تكلمينه من ايميل ثاني راح تلاقين قصه مخالفه للي يقولها لج

هههههههههههههههههههههههههه

روووووووووووووووووعه

الله يعينج ع ردود الشباب هع

يسلمو يا حلوة

» عند الشباب كلشي جائز
» سوالف الشباب في الباص!!! فاضختكم
» شوفو الشباب وهم يغازلون لووووول
» اضرار استخدام الجل عند الشباب